ఒక అలౌకిక మహావిభూతి పుట్టడానికి సహేతుకమైన కారణం ఉండాలి. పృథ్వీ శ్రీమన్నారాయణుని వద్దకు వచ్చి తననుద్ధరించమని వేడుకుంటుంది. ఆయన ఎప్పుడు పుట్టినా ధర్మరక్షణకే. ఇనుప సంకెళ్ళలో మ్రగ్గుతున్న ఆ తల్లి దేవకీ గర్భాన కారాగారంలో పుట్టడంతో సరిపోలేదు. ఎందరెందరు ఆయన రాకకు ఎదురుచూచారో - అర్ధరాత్రి, చీకటిలో, ఉరుములు మెరుపుల మధ్య వర్షంలో పురిటి గ్రుడ్డును - నీలమేఘశ్యాముని యమునను దాటించడం, ప్రజలను కష్టాల కడలి నుండి దాటించడమే. ఆ తరువాత ఆయన పెరుగుదల, ఆయన వేణుగాన సుధామధురిమలు, కంస ప్రేరితమైన దాడులను త్రిప్పికొట్టి రాధా మనోహరుడై, గోపగోపీజన వల్లభుడై, యశోదానందుల ఆనందనిధానుడై, చివరికి కంస వధతో తన జీవన కార్యాన్ని ప్రారంభించిన కృష్ణ కథ చరాచరాలను ముగ్ధమొనరించిన 'మోహన మురళి'